Türkiyədən Avropa İttifaqına çağırış: `3 milyard avronu yubatmayın`
02:22 07 Oktyabr 2016
Ankara Avropa İttifaqının miqrasiya sazişi ilə nəzərdə tutulmuş 3 milyard avronu yubatmadan Türkiyəyə köçürəcəyinə ümid edir.
Bunu bu gün Ankarada mətbuat-konfransında Türkiyə XİN rəhbəri Mövlud Çavuşoğlu deyib.
“Biz Aİ ilə bir-biri ilə əlaqəli üç saziş imzalamışıq. Üç milyard avro gecikdirmədən köçürməlidir. Biz Aİ-dən cavab gözləyirik. Sazişlərimizi icra etməyə çağırırıq. Gəlin hamımızda narahatlıq yaradan prosesin qurbanı olmayaq”, - deyə nazir bildirib.
Qeyd edək ki, bu ilin martında Aİ üzvü olan 28 ölkənin liderləri və Türkiyənin o zamankı baş naziri Əhməd Davudoğlu “Balkan marşrutu” üzrə Aİ-yə Yaxın və Orta Şərq ölkələrindən qanunsuz miqrasiyaya son qoyulmasını nəzərdə tutan miqrasiya sazişinin altı prinsipini razılaşdırıblar.
Plana əsasən, Türkiyə qeyri-qanuni miqrantları öz ərazisində saxlamalı, Aİ-yə keçən qeyri-leqal miqrantları ölkəyə qaytararaq, onların əvəzində Aİ-yə leqal qaydada suriyalı qaçqınları göndərməlidir. Bunun müqabilində Türkiyə ilə viza rejiminin sadələşdirilməsi və Aİ-yə üzvlük üzrə danışıqların tezləşdirilməsi, həmçinin, 3 mlrd avro vəsaitin ayrılması nəzərdə tutulub. (APA)
Femida.az
Oxunub: 941
Oxşar xəbərlər
- Türkiyədən Ermənistana təyyarə rəysi açılmayacaq
- Türkiyədən Azərbaycana ilk qatar yola düşür
- Türkiyədən “Qarabağ”a jest
- Türkiyədən acı xəbər - 69 hərbçi zəhərləndi
- Türkiyədən ABŞ-a etiraz: `İstanbulu başqa yerlərlə qarışdırmayın`
- Türkiyədən acı xəbər gəldi - 2 şəhid var
- Türkiyədən Krımın ilhaqı ilə bağlı BƏYANAT
- Türkiyədən Almaniyaya tələb - 40 hərbçini təhvil verin!
- Türkiyədən İŞİD-ə böyük zərbə
- Türkiyədən şəhid xəbəri gəldi
